Asturias patria querida

Hola a tod@s.

Esta é a reportaxe sobor da miña viaxe deste fin de semana pasado, onde visitei Asturias e máis a cidade de León.

A verdade é que foi a miña primeira toma de contacto co novo piso de Xixón, e con Asturias, xa que temos que contar coa miña próxima partida a esas terriñas. E claro, a verdade é que non coñecía moi ben algunhas paraxes da rexión, como por exemplo os Lagos de Covadonga.

Fun cuns amigos de Madrid, a miña compañeira de traballo Arroz, e máis o Ito e Petete. Chegamos ó Venres sobor das 23 horas a Xixón, e non nos deu máis que tempo para chegar o barrio de Cimadevilla e cear de P.M. nun dos bares da Praza Maior (Chipiróns, Mexilóns a mariñeira, solomilliños con crema de cabrales e chourizo á sidra, de postre tarta de queixo), seguido de copas e máis copas ata as 6 da mañá. (Debo anotar eiquí que os bares de Xixón están abertos case que todos ata as 6 da mañá).

O día seguinte tivemos visita ó Santuario de Covadonga e ós Lagos, imitando os grandes ciclistas que fixeron a subida e rememorando algunha que outra curva compricada. Nos Lagos incluiuse comida no único restaurante do lugar (Troita asada, calamares de potera, tabla de queixos, e catro racións de cabritu guisado, máis tarta de queixo caseira de postre). Logo volta ó fogar e a cear en Uvieu (Ameixas á mariñeira, Longueiróns, Pixín rebozado e frito e solomilliños con crema de cabrales) e copas ata as 7 da mañá, ja, ja, ja. Moita martxa hay por alí. Debedes coñecela nun futuro.

O último día, pola mañá paseo polos areais de Xixón. Pola tarde visita da cidade de León, inda que comimos moi tarde (Pizzas variadas e lasaña boloñesa), pero nos atenderon moi ben no único lugar que atopamos aberto ás 5 da tarde).

Chegada a Madrid e reparto de persoas nas súas casas.

A reportaxe fotográfica eiquí.

Unha aperta.


P.D.: Cando queirades estades invitados á miña casa e pasar tamén uns días estupendos.