Facendo as Américas (Parte V e última)

Despóis de moito tempo sen escribir, por mor da vagancia ou por problemas informáticos, esta é a última nova sobor da miña viaxe ós Estados Unidos.

Como non quero ser moi coñazo, xa que pasou tempo, vou simplificar ó máximo os tres días que me restan.

Noveno día. Cedo fun cara á Ponte de Brooklyn. Tremendo lugar onde puiden ver unha das máis lindas postais de Nova Yorke.Posteriormente camiñando cheguei ata China Town onde merquei uns bolsos Guzzi e uns reloxios Rolex (imitacións perfectas).

Máis tarde cheguei ata o Rockefeller Center onde puiden observar a gran pista de xeo, típica dese lugar. O que non puiden ver foi a árbore de nadal. Inda era novembro.
Posteriormente almorzo e visita ó MOMA, onde entre outras exposición e cuadros de Picasso atopei un conxunto do máis coñecidos por todos dende fai tempo, os botes de sopa Campbells.
Po-la noite chegou o GZ_guda a Nova Yorke, e xunto co seu curmán e un amigo metímonos unha enchenta de pizzas, todas elas condimentadas con herbas.

Décimo día. Érgome na casa do curmán do GZ_guda cun resacón do carallo, e mentres a familia lisca pra iren a almorzar á casa doutro curmán, eu vou ve-la maratón de Nova Yorke. Mítica carreira de 24.2 millas.Posteriormente visita ó Museo de Historia Natural, onde o máis destacado son os restos dos prehistóricos Dinosaurios. Tremendos.

O final do día xunto co GZ_guda e outro galego emigrado a Nova Yorke visitamos outra vez, e por derradeira vez Times Square, e tamén o Restaurante dos curmáns do GZ (se alguén vai algunha vez a Nova Yorke xa sabe onde se pode ir a almorzar ou cear moi ben e a bó prezo. Preguntade o enderezo se queredes).

Undécimo día. Pouco tempo habería pra facer cousas, así que adicámonos a patear po-la cidade, 5ª avenida, etc. Atopándonos uns parquímetros moi semellantes ós de Vigo.

E por último vista dende o teito do edificio do curmán do tremendo e precioso Central Park.

Espero que inda que tarde, esta nova pagara a pena. Unha aperta a todos e que as viaxes próximas dos GZ's sexan reflexadas nesta a nosa páxina.

P.D.: Gracias de todo corazón GZ_guda.