Espanha perrea - spain is diferent

Como bem tod@s saberedes xa, e @ que inda non teña nova de tal cousa non sei en que pais vive, Rodolfo Chikilicuatre, co seu tema El baile del Chikichiki, será o representante de espanha na vindeira gala do Festival de Eurovisión que terá cita na cidade de Belgrado o 24 de maio próximo.
Aquí vos deixo a actuación de Rodolfo e as súas bailarinas na gala da tve.

Que grande o tipo este. Como sempre habera partidarios e detractores, pero levar algo diferente sempre é positivo. A xente fará comentarios de todo tipo, pero o día 25 de maio tod@s preguntarán: ¿en que posto quedou onte o chikichiki? (se é que non se plantaron diante do seu televisor a velo, que habera moitos que o negarán).
Deíxovos aquí tamén o vídeo da actuación final con tódolos participantes perreando con Rodolfo, con esta canción que, pro meu entender, so pretende facer unha crítica a este estilo de música, que como saberedes, non é que sexa da miña devoción. As veces o humor é o que queda.

Pra rematar dicir que outros paises, coma Irlanda, tamén son uns cachondos de carallo e levan ó pavo Dustin coma o seu representante, co tema Irelande douze pointes.

Este ano cando vexa a gala, non sei se o televisor estará a dar o Festival de Eurovisión ou o Festival de playbacks do noso benquerido colexio, inda que éste tiña moita máis clase.
A pasalo bem.

Eleccións Congreso e Senado 2008

Hola a tod@s.

Hoxe tiven un soño. Un soño no que saia do meu traballo e paraba a mercar algún alimento pra levalo a casa e facer un xantar de deuses. Un soño no que atopaba a veciños do meu edificio e parabámosnos a falar un pouquiño sobor do tempo que fai (que está tolo tolo) e das últimas fotos publicadas na revista Interviú. Un soño no que un día decidía deixar o meu traballo pra ir de viaxe a terras asiáticas e montar alí un bar xusto o ladiño dunha praia paradisíaca onde poder torrar o sol e pasar un tempo de lecer sen preocuparme de nada. Un soño no que ó despertar non notara que fora un soño. Un soño soñado. Un soño.

Ben, ata eiquí a retaila de txorradas que se me acaban de ocorrer.

Como xa sabedes este domingo serán as Eleccións. Eu irei votar no meu colexio de Madrid, o de San Ildefonso, o dos nenos cantores de boliñas que inda que só os vexamos en Nadal, tamén traballan tódolos sábados e máis días da semana, case que todos realmente.

¿Quén gañará? Iso non se sabe, pero algo pódese dilucidar das derradeiras enquisas, que dende este lúns xa non hai.

Pois que gañe o que acade a maioría absoluta, ou o que faga algún pacto. Xa veremos se o celebramos ou non. Eu non digo nada máis.

Boas noites e boa sorte, ja, ja, ja.

P.D.1: Eu aburríame na casa, e coma parece que case ningúen escribe na nosa páxina GZ, pois ahí vai. Se algúen quere comentar tamén algún SOÑO que tivera últimamente, será benvido.

P.D.2: ¿Algúen vai facer algo especial esta Semana Santa?. ¿Quén vai vir a Vigo? Eu o máis seguro é que vaia coa miña nai a Xixón a pasar os días, pero espero que o sábado 22 esté de volta en Vigo e podervos ver un pouquiño.

Apertas.